جنت البقيع
جنت البقيع
جنت البقيع: جنت البقيع، مديني منوره جي مقدس مقامن ۾ شامل آهي، هي مقام مسجدِ نبويءَ کان اوڀرندي طرف واقع آهي. مديني جي هن مقام سان ڪيترائي واقعا ۽ يادون وابسته آهن، اها جاءِ آهي. جنهن کي پهرين ’بقيع الغرقد‘ چيو ويندو هو. غرقد هڪ قسم جو وڻ هو، جيڪو پهرين جنت البقيع جي آس پاس ٿيندو هو ۽ هن جاءِ تي مقام ٺهڻ سان آهستي آهستي اهي وڻ ختم ٿيندا ويا. اسلام کان پهرين جنت البقيع يثرب (مديني) وارن جو قبرستان هو. اسلام کانپوءِ مديني جي اهم ۽ مقدس مقامن ۾ شمار ٿيڻ لڳو. پهرين هيءَ جاءِ مديني جي حدن کان ٻاهر هئي، پر هاڻي مديني شهر جي وچ ۾ اچي وئي آهي. جنت البقيع وڃڻ لاءِ چار رستا شاهراهه ستين، شاهراهه عبدالعزيز، شاهراهه ابي ذر ۽ شاهراهه باب العوالي آهن. رسول ڪريم صلي الله عليه وسلم جي زماني ۾ پڻ هيءَ جاءِ زيارتگاهه هئي. جنت البقيع ۾ مدفون پاڪ ۽ بابرڪت هستين ۾ حضرت فاطمة الزهرا سلام الله عليه، حضرت فاطمه بنت اسد سلام الله عليها (حضرت علي عليه السلام جي والده)، حضرت امام حسن عليه السلام، حضرت امام زين العابدين عليه السلام، حضرت امام باقر عليه السلام، حضرت امام جعفر صادق عليه السلام، حضرت ام البنين فاطمه ڪلابيه سلام الله عليها (حضرت غازي عباس عليه السلام جي والده)، حضرت عباس ابنِ عبدالمطلب عليه السلام، بيبي صفيه ۽ بيبي عاتڪه (حضور صلعم جن جون پڦيون)، حضرت ام ارباب زوجه حضرت امام حسين عليه السلام، حضرت بن عبدالمطلب'>عبدالله بن عبدالمطلب عليه السلام (حضور صلعم جن جو والد)، حضرت عقيل بن ابي طالب عليه السلام، حضرت عبدالله بن جعفر طيار، حضرت ابراهيم بن رسول الله صلي الله عليه وآله وسلم، حضرت امام مالڪ رحمة الله عليه، امام نافع رحمة الله عليه، حضرت عثمان بن عفان رضي الله تعاليٰ عنه، حضرت عثمان بن مظعون رضي الله تعاليٰ عنه، جناب عبدالرحمٰن بن عوف، جناب بن خدافته، بيبي رقيه زوجه حضرت عثمان رضي الله تعاليٰ عنه، جناب ابوهريره، امام شافعرح، بيبي عائشه صديقه رضي الله عنه، بيبي صفيه، بيبي سوده، بيبي حفصه ۽ جناب عبدالله بن مسعود اچي وڃن ٿا. انهن کان سواءِ جنگ احد جي يارهن شهيدن جون مزارون به هتي آهن. جنت البقيع، حج ۽ عمري لاءِ ويندڙ زائرين لاءِ بابرڪت زيارتگاهه آهي .
لفظ جنت البقيعھيٺين داخلائن ۾ پڻ استعمال ٿيل آھي
جاگرافي ۽ ماڳ مڪان - ڀاڱي جون ٻِيون داخلائون
جنهاڻ 2دائود ڪنڀ
سينٽ ميري ديول
جکار جو دڙو
سبتڪگين ڊور
ڌونڪ ماٿري گاجي شاهه واري واهِي
سخي باقر شاهه وارو کوهه
ڊڀاني ڍوري جي ڪنڊ
جبو ڪوٽ
اتر وارا علائقا